Safdar Hamadani
likhega vaqt havaon pe inkishaf mire
gunah sab to nahin qabil-e-muaf mire
main tirgi ko kabhi raushni nahin kahta
har ahd ki hai hava is liye ḳhilaf mire
para.e logon se kya len sama.aton ki dalil
mire gavah bane hain ḳhud e’tiraf mire
paḌa hai vaqt to ankhon se ho gaya ojhal
vo umr bhar ko jo karta raha tavaf mire
faqat tumhin se nahin hai ye iḳhtilaf mira
ḳhud apne saath bhi ‘safdar’ hain iḳhtilaf mire
Leave a Reply