poet

Kis Naz Se Wah Hum Ko Mara

kis naaz se vaah ham ko maara

ki tirchhi nigah ham ko maara

sau pech men la ke akhir-e-kar

ai zulf-e-siyah ham ko maara

khvahinda tire the ai pari ham

kyuun khvah-na-khvah ham ko maara

kaabe ko jo ham chale buton ne

kah kar gumrah ham ko maara

shikva hamen kuchh nahin falak se

tu ne ai maah ham ko maara

chah-e-zaqan-e-sanam dikha kar

tu ne ai chaah ham ko maara

aise hain zaiif mar gae ham

jis ne par-e-kah ham ko maara

us ki zulf-e-daraz ne shab

qissa-e-kotah ham ko maara

shamshir-e-nigah se us ne be-maut

khaliq hai gavah ham ko maara

bose ki talab men us ne ‘goya’

na-karda-gunah ham ko maara

More Poems

Leave a Comment