le dida-e-tar jidhar gae ham
Dabre jo the khushk bhar gae ham
tujh ishq men roz-e-khush na dekha
dukh bharte hi bharte mar gae ham
tera jo sitam hai us ki tu jaan
apni thi sau khuub kar gae ham
ye qita padhe tha soz-e-dil se
sauda ke jo raat ghar gae ham
juun shama labon par aa raha ji
tan tha so gudaz kar gae ham
itni bhi patang pesh-qadmi!
gar shaam nahin sahar gae ham
hogi na kisi ko ye khabar bhi
us majlis se kidhar gae ham