Lazzat-E-Girya Se Bhi Dil Ki KHalish Kam to Nahin

Poet

lazzat-e-girya se bhi dil ki ḳhalish kam to nahin

ashk gauhar hi sahi zaḳhm ka marham to nahin

ye bhi mumkin hai gham-e-hijr gham-e-dahr bane

mushkilen ishq ki sang-e-rah-e-adam to nahin

gham ata karke na samjho ki mujhe shaad kiya

dil men sab kuchh hai magar hausla-e-gham to nahin

karvan aur chale aur chale aur chale

rahnuma sahib-e-manzil hai magar ham to nahin

chehra-e-shab pe kuchh anvar-e-sahar hain lekin

ham jis ummid men jaage the vo aalam to nahin