Rafique Khayal
hisar-e-zat se bahar na apne ghar men hain
ham is zamin ki tarah mustaqil safar men hain
bhaTak rahe hain andhere musafiron ki tarah
ujale mahv-e-sukun daman-e-sahar men hain
jinhen ḳhabar hi nahin sharh-e-zindagi kya hai
vo mujrmon ki tarah qaid apne ghar men hain
to e’tibar-e-shab-e-intizar hai janan
tire firaq ke mausam miri nazar men hain
jo be-qarar hain un ko kahin qarar nahin
nasib vaale sitaron ki rahguzar men hain
‘ḳhayal’ amad-e-fasl-e-bahar hai shayad
jo sust-e-gam the vo log bhi safar men hain
Leave a Reply