Poet
ek ik lamha guzara ja raha hai hosh men
ai zahe-qismat jo hain tufan ki aghosh men
ab ye aalam hai hamara bandagi ke josh men
ek sajda be-ḳhudi men ek sajda hosh men
maslahat kuchh bhi na kahne de to is ka kya ilaaj
jaane kitni dastanen hain lab-e-ḳhamosh men
uf ye sailab-e-havadis haa.e ye tufan-e-gham
yuun bhi laata hoga divane ko koi hosh men
Dar hai ahl-e-karvan ki tezi-e-raftar se
apni manzil bhi na kho baiThen kisi din josh men
samne mahshar ho ya kaunain chahe kuchh bhi ho
un ka divana to ab aata nahin hai hosh men
‘kaif’ se puchhe koi tere karam ki vus.aten
us ne dekha hai do-alam ko tiri aghosh men
Leave a Reply