laTka.i divar pe kis ne hatim ki tasvir
haath men TuuTe kaase thame dauḌe aa.e faqir
soch raha hai der se be-chara ik majma.a-baz
shaam talak kuchh haath na aaya din bhar ki taqrir
gaanv gaanv maang rahe hain qismat ki ḳhairat
jannat dozaḳh bechne vaale shahri piir faqir
bhule-bisre lafz uchaT kar miTa ga.e mafhum
din ko paḌhne baiThe jab bhi raat ki ham tahrir
jalti fikr ki zad par aa kar jhulsen jo alfaz
aa.e un alfaz se kaise sheron men tasir
Leave a Reply