asmanon se aa.e hue nuur the rashk-e-mahtab the
vo to bagh-e-vafa ke ajab phuul the ḳhushbu-e-ḳhvab the
main ne dekha suna husn ka vaqi.a jab paḌha to kaha
vo kitab-e-mohabbat ki ayat the ishq ka baab the
un daraḳhton ke pichhe kahin main bhi tha ik shagufa khila
kuchh parinde shanasa tabi.at ke the jo ki nayab the
patti patti ki surat the bikhre hue gul hasin baagh ke
surḳh andhi chali hijr lahaq hua phir bhi shadab the
dard se mavara ishq ka karvan shauq-e-‘manzar’ raha
husn hairat men hai shal hue hi nahin kaise a.asab the
Leave a Reply