Poet
buzdili si kahan ye marti hain
mushkilen hauslon se Darti hain
ashk aate hain jab nadamat ke
meri ankhen bahut nikharti hain
kaaT do haath in havaon ke
jo charaghon ka qatl karti hain
karni paḌti hain pahle tadbiren
phir kahin qismaten sanvarti hain
ḳhvahishen muflison ke siine men
roz jiiti hain roz marti hain
sabr ki had men rahna paḌta hai
ayaten yuun kahan utarti hain
Dhalti umron ki laḌkiyan ‘shakir’
aa.ina dekhne se Darti hain
Leave a Reply