abrar-ahmad

Hum Ki Ek Bhes Liye Phirte Hain

kaun se des ki babat puchhe

vaqt ke dasht men phirti

ye khunuk sard hava

kin zamanon ki ye madfun mahak

bad-numa shahr ki galiyon men udi phirti hai

aur ye duur talak phaili hui

niind aur khvab se bojhal bojhal

eatibar aur yaqin ki manzil

jis ki taid men har shai hai

baqa hai lekin

apne manzar ke andheron se pare

ham khunuk sard hava sun bhi saken

ham ki kis des ki pahchan men hain

ham ki kis lams ki taid men hain

ham ki kis zoam ki taufiq men hain

ham ki ik zabt-e-musalsal hain

zamanon ke abad se larzan

vahm ke ghar ke makin

apne hi des men pardes liye phirte hain

ham ki ik bhes liye phirte hain

More Poems

Leave a Comment