Poet
lais ho kar jo mira tark-e-jafa-kar chale
saikḌon ḳhuun hon har gaam pe talvar chale
na-tavani ne unhen dariya pe jaane na diya
uTh ke sau baar gire raah men sau baar chale
tera kucha hai vo ai but ki hazaron zahid
Daal ke sub.ha men yaan rishta-e-zunnar chale
ai shah-e-husn mukaddar na ho gar tera mizaj
ḳhaak apni bhi jilau men pas-e-rahvar chale
sun ke ye garmi-e-bazar teri ai yusuf
naqd-e-jan rakh ke hatheli pe ḳharidar chale
hai yaqin hashr men bhi ek naya mahshar ho
uTh ke gar kakul-e-janan ke giraftar chale
fasl-e-gul aa.i uTha abr chali sard hava
su-e-mai-ḳhana akaḌte hue mai-ḳhvar chale
hoga ehsan pa.e gul-gasht agar tu sayyad
saath le kar qafas-e-murgh-e-giraftar chale
der se baiThe the mushtaq-e-suḳhan sab ye ‘habib’
dekh uThte hi tere bazm se huzzar chale
Leave a Reply