lail-e-shab-tab chaTanon men nahin
koi mafhum fasanon men nahin
phir na shab-ḳhun ka vaqt aa.ega
raushni un ke Thikanon men nahin
hai tamasha.iyon ka jamm-e-ghafir
aks bhi a.ina-ḳhanon men nahin
apne hi saa.e ki phun-kar na ho
koi shah-mar ḳhazanon men nahin
ku-ba-ku dete hain avaz kise
saaya bhi ḳhali makanon men nahin
aa ga.i sa.at-e-ḳhush-guftari
ab koi tiir kamanon men nahin
Leave a Reply