lahu men kya bata.en raushni kaisi mili thi
mili thi bas mohabbat jis tarah ki bhi mili thi
bahut si jam.a kar rakkhi thiin us ne kahkasha.en
main roya to mujhe ik qaash suraj ki mili thi
uThate kis tarah palkon ki lamba.i ka jhagḌa
bahut mushkil se ankhen aur bina.i mili thi
haya thi aankh men gandum ke ḳhoshe haath men the
ajab halat men thi jab mujh ko uryani mili thi
yahin thi jo nazar aa.i thi mish.al thi ki atish
nubuvvat thi ki chingari zamin par hi mili thi
Leave a Reply