lahra ke jhuum jhuum ke la muskura ke la
phulon ke ras men chand ki kirnen mila ke la
kahte hain umr-e-rafta kabhi lautti nahin
ja mai-kade se meri javani utha ke la
saghar-shikan hai shaikh-e-bala-nosh ki nazar
shishe ko zer-e-daman-e-rangin chhupa ke la
kyuun ja rahi hai ruuth ke rangini-e-bahar
ja ek martaba use phir varghala ke la
dekhi nahin hai tu ne kabhi zindagi ki lahr
achchha to ja ‘adam’ ki surahi utha ke la
Leave a Reply