Laghzish-E-Pa Mein Fasane Kitne

laġhzish-e-pā meñ fasāne kitne

tai hue pal meñ zamāne kitne

koī gāhak na milā va.adoñ kā

ho ga.e log siyāne kitne

maiñ talab thā sar-e-darbār-e-jafā

mil ga.e yaar purāne kitne

aap ko kaam bahut din chhoTe

jī na chāhe to bahāne kitne

ab to sad-chāk haiñ gul ke parde

raaz khole haiñ sabā ne kitne

maiñ na pahchān sakā aaj unheñ

ban ga.e is pe fasāne kitne

Leave a Comment