sarka diya naqab ko khiḌki ne ḳhvab men
suraj dikha.i de shab-e-ḳhana-ḳharab men
tujh aisi narm garm ka.i laḌkiyon ke saath
main ne shab-e-firaq Dubo di sharab men
ankhen ḳhayal ḳhvab javani yaqin saans
kya kya nikal raha hai kisi ke hisab men
qaidi bana liya hai kisi huur ne mujhe
yunhi main phir raha tha dayar-e-savab men
mayus asman abhi ham se nahin hua
ummid ka nuzul hai khilte gulab men
dekhun varaq varaq pa ḳhad-o-ḳhal nuur ke
suraj-sifat rasul hain sub.h-e-kitab men
sisa-bhari sama.aten be-shak magar baḌa
shor-e-barahnagi hai sukut-e-naqab men
Leave a Reply