Poet
apni gagar se mat nikal mujhe
is samundar se mat nikal mujhe
dil ke andar qiyam hai mera
sirf bahar se mat nikal mujhe
pyaar karti hai mujh se heroine
yaar picture se mat nikal mujhe
gham ka moti huun dil men rahta huun
gahre sagar se mat nikal mujhe
main tire kaam ki ḳhabar huun magar
news paper se mat nikal mujhe
koi goli nahin huun kanTa huun
nok-e-ḳhanjar se mat nikal mujhe
jhonpaḌi nahr peḌ aur panchhi
aise manzar se mat nikal mujhe
Leave a Reply