Abdullateef Shauq
achchha hai koi tir-ba-nashtar bhi le chalo
kuchh yadgar-e-shahr-e-sitamgar bhi le chalo
sab ja rahe gulab se chehre liye hue
tum ainon ke shahr men patthar bhi le chalo
yuun kam nahin hai shirin-bayani hi aap ki
chaho to astin men khanjar bhi le chalo
mujh ko kisi yazid ki baiat nahin qubul
neze ye rakkho aao mira sar bhi le chalo
kya jaane kaise khvab sajane paden ai ‘shauq’
ankho men ik hasin sa manzar bhi le chalo
Leave a Reply