laghzish-e-gam liye laghzish-e-mastana liye
aae ham bazm men phir jurat-e-rindana liye
ishq pahlu men hai phir jalva-e-janana liye
zulf ik haath men ik haath men paimana liye
yaad karta tha hamen saqi-o-mina ka hujum
uth gae the jo kabhi raunaq-e-mai-khana liye
vasl ki subh shab-e-hijr ke baad aai hai
aftab-e-rukh-e-mahbub ka nazrana liye
asr-e-hazir ko mubarak ho naya daur-e-avam
apni thokar men sar-e-shaukat-e-shahana liye
Leave a Reply