Mubarak Azimabadi
laga de soz-e-mohabbat phir aag siine men
maza phir aane lage dil-jalon ko jiine men
ba-khair guzren ye do din bahar ke ya-rab
ki rok tok bahut ho rahi hai piine men
khatak rahi hai koi shai nikal de koi
tadap raha hai dil-e-be-qarar siine men
chamak rahi hai ye bijli giregi tauba par
jhalak rahi hai mai-e-lala-fam miine men
ye khaas vaqton ke kuchh nala-ha-e-mauzun hain
hamare sher ‘mubarak’ nahin safine men
Leave a Reply