Labon Se Go Abhi Kahte Nahin Ho

Samina Saqib

labon se go abhi kahte nahin ho

mohabbat tum bhi kam karte nahin ho

shajar par dekh ke ḳhush ho rahe ho

samar ko toḌ kar chakhte nahin ho

main tum pe ruk ga.i huun jhiil jaise

magar dariya ho tum rukte nahin ho

mohabbat tujh ko ashkon se bhi sincha

vo paude ho ki jo baḌhte nahin ho

bahut maghrur hote ja rahe ho

ye kya ki baat bhi karte nahin ho

sabhi se dusra haT ho rahi hai

magar tum dusre lagte nahin ho

miri ankhon se ḳhud ko dekh lena

kisi hero se kam lagte nahin ho

tumhen yuun bhi to mar jaana hai ik din

‘samina’ par magar marte nahin ho