Lab Par Dil Ki Baat Na Aai

lab par dil kī baat na aa.ī

vāpas biitī raat na aa.ī

ḳhushk huiiñ ro ro kar āñkheñ

madh-mātī barsāt na aa.ī

merī shab kī tārīkī meñ

tāroñ kī sauġhāt na aa.ī

mai-ḳhāne kī mast fazā meñ

raas mujhe haihāt na aa.ī

dil to umDā ro nā sakā maiñ

chhā.ī ghaTā barsāt na aa.ī

merā chāñd nikalne ko thā

shaam se pahle raat na aa.ī

jis par mahfil luT jaatī hai

tujh ko ‘ziyā’ vo baat na aa.ī

Leave a Comment