Manzar Naqvi
dayar-e-ishq men aate kabhu ruton ke liye
bhaTakte phirte ho kyon tum mahuraton ke liye
na-jane kaun-se lamhon ke intizar men ho
zara bhi vaqt nahin hai kuduraton ke liye
kisi kisi ko hai ma.alum dard andar ka
ki ham to hanste rahe ḳhub-suraton ke liye
bahut hain chahne vaale ghamanD rakhte ho
hamen bhi chaha tha sab ne zaruraton ke liye
hamare chehre pe kuchh ḳhal-e-naqsh hain ‘manzar’
bahut zaruri hain ayat suraton ke liye
Leave a Reply