KHud Se Itna Hi Aashna Hun Main

ḳhud se itnā hī āshnā huuñ maiñ

ik kahānī kī ibtidā huuñ maiñ

hiran sone kā to kahāñ hogā

us ke kahne pe chal paḌā huuñ maiñ

sañg nafrat ke to maiñ sah lūñgā

sirf phūloñ se Dar rahā huuñ maiñ

chāñd taare gavāh haiñ is ke

saath un ke jalā bujhā huuñ maiñ

pyaar ke ek bol ke badle

ḳhud ko saste meñ bechtā huuñ maiñ

hāsil-e-zindagī kaho is ko

ḳhud ko kho kar jo pā gayā huuñ maiñ

mujh ko ‘tāsīr’ sañgsār karo

jo na kahnā thā kah gayā huuñ maiñ

Leave a Comment