Sahartab Roomani
sha.iri men na.i jihat rakkhi
main ne apni alag lughat rakkhi
koi ta.amir kis tarah hoti
saari buniyad thi ghalat rakkhi
mujh ko baḳhsha nahin kamal koi
us ne mujh men yahi sifat rakkhi
maal ḳhairat kar diya saara
sirf kashkol men bachat rakkhi
us ne chaha ghulam ban ja.un
samne mere saltanat rakkhi
pahle pahli parat bicha.i aur
aur phir dusri parat rakkhi
thak gaya main to jhank kar dekha
mujh men chalne ki thi sakat rakkhi
Leave a Reply