Poet
lab o ruḳhsar ki qismat se duuri
rahegi zindagi kab tak adhuri
bahut taḌpa rahe hain do dilon ko
ka.i nazuk taqaze la-shu.uri
ka.i raton se hai aghosh suuna
ka.i raton ki ninden hain adhuri
ḳhuda samjhe junun-e-justuju ko
sar-e-manzil bhi hai manzil se duuri
ajab andaz ke sham-o-sahar hain
koi tasvir ho jaise adhuri
ḳhuda ko bhuul hi jaa.e zamana
har ik jo aarzu ho jaa.e puuri
Leave a Reply