Yunhi Umr-Bhar Tere Rang-O-Bu Se Mere Lahu Ki Wafa Rahe

yūñhī umr-bhar tire rañg-o-bū se mire lahū kī vafā rahe

maiñ charāġh ban ke jalā karūñ to gulāb ban ke khilā rahe

vo zamīn ho ki ho āsmāñ ye diyā hamesha jalā rahe

maiñ kisī safar meñ rahūñ magar mire saath maañ kī duā rahe

mirī kamtarī kī bisāt hī tirī bartarī kī dalīl hai

maiñ nasheb meñ na rahūñ agar tū farāz terā dabā rahe

na.e zaḳhm haiñ na.ī koñpleñ abhī dil pe ġham kī bahār hai

ye duā karo ki ḳhizāñ meñ bhī ye daraḳht yūñhī harā rahe

Leave a Comment