yunhi umr-bhar tire rang-o-bu se mire lahu ki vafa rahe
main charagh ban ke jala karun to gulab ban ke khila rahe
vo zamin ho ki ho asman ye diya hamesha jala rahe
main kisi safar men rahun magar mire saath maan ki dua rahe
miri kamtari ki bisat hi tiri bartari ki dalil hai
main nasheb men na rahun agar tu faraz tera daba rahe
na.e zaḳhm hain na.i konplen abhi dil pe gham ki bahar hai
ye dua karo ki ḳhizan men bhi ye daraḳht yunhi hara rahe
Leave a Reply