ainuddin-azim

La-Makan Se Bhi Pare Khud Se Mulaqat Karen

la-makan se bhi pare ḳhud se mulaqat karen

khul ke tanhai ki vus.at pe zara baat karen

har baḌe naam ko chhoTon se jila milti hai

shahr ki hashiya-arai mazafat karen

laaj virani ki rakhni hai chalo ahl-e-junun

abla-pai se abad ḳharabat karen

khet sukhe to hava phir se sanak jaegi

aap badal hain to da.ava nahin barsat karen

gulnavazo hamen kanTon ne navaza hai bahut

ham pe vajib hai ki zaḳhmon ki mudarat karen

aish-e-avargi kya kya the tiri galiyon men

soch ki pariyan vahin ab guzar auqat karen

main agar zikr bhi us ka na karun sheron men

isti.arat alamat isharat karen

matn ko husn ke eraab ata ham ne kiye

ham se tashrih talab jism ki ayat karen

ghair mahram se bacha apni ghazal ko ‘azim’

chheḌḳhani na kahin maulvi hazrat karen

More Poems

Leave a Comment