Funun-E-Latifa

ai ahl-e-nazar zauq-e-nazar ḳhuub hai lekin

jo shai ki haqiqat ko na dekhe vo nazar kyaa!

maqsud-e-hunar soz-e-hayat-e-abadi hai

ye ek nafas ya do nafas misl-e-sharar kyaa!

jis se dil-e-dariya mutalatim nahin hota

ai qatra-e-naisan vo sadaf kya vo guhar kyaa!

shaer ki nava ho ki mughanni ka nafas ho

jis se chaman afsurda ho vo bad-e-sahar kyaa!

be-moajaza duniya men ubhartin nahin qaumen

jo zarb-e-kalimi nahin rakhta vo hunar kya

Leave a Comment