Jab Le Ke Hatheli Par Hum Jaan Nikalte Hain

jab le ke hathelī par ham jaan nikalte haiñ

zulmat meñ ujāloñ ke imkān nikalte haiñ

phir le ke hisāb-e-dil pachhtānā paḌā us ko

kuchh us pe hamāre hī ehsān nikalte haiñ

ye shahr rahā hogā shā.ista mizājoñ kā

is shahr ke malbe se gul-dān nikalte haiñ

ai ahl-e-nazar tere ḳhutbāt pe bhārī haiñ

dīvāne ke muñh se jo hizyān nikalte haiñ

Leave a Comment