Khursheed Akbar
saron par taaj rakkhe the qadam par taḳht rakkha tha
vo kaisa vaqt tha muTThi men saara vaqt rakkha tha
vo tanha ḳhaksari thi nibhaya umr bhar us ne
mizaj-e-shah-e-alamgir varna saḳht rakkha tha
bahut saman tha ghar men bahut si ne.amaten bhi thiin
musafir ne magar apna safar be-raḳht rakkha tha
gire the dhire dhire saare kangure zamane ke
haveli men to ab ke la-makan yak-laḳht rakkha tha
main sab ko chhoḌ kar duniya tire raste pe aa jaata
magar is raste men bhi dil-e-kam-baḳht rakkha tha
Leave a Reply