poet

Kyun Na Hun Hairan Teri Har Baat Ka

kyuun na huun hairan tiri har baat ka

husn muraqqaa hai tilismat ka

rouun to khush ho ke piye hai vo mai

samjhe hai mausam ise barsat ka

uthti javani jo hai to din-ba-din

aur hi aalam hai kuchh is gaat ka

ghar men bulaya hai to kuchh munh se do

sikho ye Dhab ham se mudarat ka

shaikh javan hoga tu pi dekh ise

shishe men paani hai karamat ka

ham na milen tum se to nikle hai jaan

aur tumhen aalam hai musavat ka

us ne ki ab kam-sukhani ikhtiyar

jis ko maza tha miri har baat ka

aankh bhi milti hai to na-ashna

ab vo kahan lutf isharat ka

rone ki ja hai sun ise ham-nashin

tu to hai mahram mire auqat ka

hukm hua raat ko aao na yaan

din ko rakho taur mulaqat ka

dil ke atakte hi hua hai sitam

farq mulaqat men din raat ka

baat nai sujhe hai ‘jurat’ tujhe

main to huun ashiq tiri is baat ka

More Poems

Leave a Comment