Suleman Khumar
kyuun mere dukh chunte ho
tum mere kya lagte ho
mujh ko joḌne baiThe ho
andar se ḳhud TuuTe ho
mere dukh ki tahen hazar
kyuun ḳhud ko uljhate ho
mujh ko sab kuchh maan liya
tum bhi kitne bhole ho
pyaar mohabbat ishq vafa
kaisi baten karte ho
dhyan ke kore kaghaz par
kya kya likhte rahte ho
duniya sab kuchh paḌhti hai
duniya ko kya samjhe ho
main ik avara jhonka
ghar men kab tak rakhte ho
Leave a Reply