kyuun dekhte hi naqsh-ba-divar ban gae
tum aaine men kis ke kharidar ban gae
bijli chhalava fitna qayamat ghazab bala
main kya kahun vo kya dam-e-raftar ban gae
bazar-e-dahr ka to yahi karobar hai
do-char agar bigad gae do-char ban gae
ik sair thi maze ki ye araishon ke vaqt
sau baar vo bigad gae sau baar ban gae
haan haan unhin ke pichhe to di hai ‘sharaf’ ne jaan
aa kar hansi-khushi jo aza-dar ban gae