Poet
ghanimat hai hans kar agar baat ki
yahan kis ne kis ki mudarat ki
ghuTan kyuun na mahsus ho shahr men
hava chal paḌi hai mazafat ki
nazar us ko main aata huun Thik-Thak
use kya ḳhabar mere halat ki
hamin aaj haq se bhi mahrum hain
hamin par thi barish mura.at ki
muqaddar to mera sanvaroge kyaa!
lakiren miTa do mire haat ki
ziyan hi ziyan hai faqat naf.i men
koi aur surat kar isbat ki
mukammal nahin yuun to koi vajud
kami mujh men hai kaun si baat ki
Leave a Reply