Kyun Chup Hain Wo Be-Baat Samajh Mein Nahin Aata

kyuun chup hain vo be-bat samajh men nahin aata

ye rang-e-mulaqat samajh men nahin aata

kya dad-e-suḳhan ham tumhen den hazrat-e-naseh

hai sau ki ye ik baat samajh men nahin aata

shaiḳh aur bhalai se kare tazkira tera

ai pir-e-ḳharabat samajh men nahin aata

saaya bhi shab-e-hijr ki zulmat men chhupa hai

ab kis se karen baat samajh men nahin aata

mushtaq-e-sitam aap hain mushtaq-e-ajal ham

phir kyuun ye ruka haat samajh men nahin aata

roka unhen jaane se sar-e-sham to bole

kyuun karte ho tum raat samajh men nahin aata

dil ek hai aur is ke talabgar hazaron

den kis ko ye saughat samajh men nahin aata

kyun-kar kahun ‘ahsan’ ki adu dost hai mera

ho nek vo bad-zat samajh men nahin aata

Leave a Comment