kyuun asir-e-gesu-e-kham-dar-e-qatil ho gaya
haae kya baithe-bithae tujh ko ai dil ho gaya
koi nalan koi giryan koi bismil ho gaya
us ke uthte hi digar-gun rang-e-mahfil ho gaya
intizar us gul ka is darja kya gulzar men
nuur akhir dida-e-nargis ka zaail ho gaya
us ne talvaren lagain aise kuchh andaz se
dil ka har arman fida-e-dast-e-qatil ho gaya
qais-e-majnun ka tasavvur badh gaya jab najd men
har bagula dasht ka laila-e-mahmil ho gaya
ye bhi qaidi ho gaya akhir kamand-e-zulf ka
le asiron men tire ‘azad’ shamil ho gaya
Leave a Reply