Kyun Aaine Mein Dekha Tu Ne Jamal Apna

kyuun aine men dekha tu ne jamal apna

dekha to ḳhair dekha par dil sambhal apna

us ka ho jab tasavvur kab ho ḳhayal apna

kaisi musibat apni kaisa ḳhayal apna

khoya gham-e-rifaqat dekho kamal apna

bahka diya hai sab ko dikhla ke haal apna

bin dekhe teri surat jiina vabal apna

bin aae tere zalim marna muhal apna

ḳhirman to dekh lete bijli bala se girti

hota tha khet ‘arif’ yuun paemal apna

Leave a Comment