abr ka TukḌa koi bala-e-bam aata hua
mere ghar bhi sabz mausam ka payam aata hua
dhuup ki bujhti tamazat ki sipar leta chalun
phir ufuq se dhire dhire vaqt-e-sham aata hua
phir dar-e-dil par hui hain raushni ki dastaken
phir sitara sa koi bala-e-bam aata hua
ek mub.ham sa tasavvur ek be-chehra sa naam
meri tanha.i men aksar mere kaam aata hua
koi qatre men samundar dekh kar sairab hai
koi dariya se musalsal tishna-kam aata hua
Leave a Reply