Farogh Zaidi
kyon vo mera markaz-e-afkar tha
jis ke hone se mujhe inkar tha
yuun to mushkil thi bahut teri talash
ḳhud ko apna aur bhi dushvar tha
us ke hisse men dar-o-divar the
mera hissa saya-e-divar tha
rafta rafta sab ke jaisa ho gaya
pahle main bhi sahab-e-kirdar tha
duriyon ne qurbaten baḳhshin hamen
milna-julna ba.is-e-takrar tha
kaise baḌhta qafila aage ‘farogh’
har koi jab qafila-salar tha
Leave a Reply