Pandit Daya Shankar Naseem Lakhnavi
kyon ḳhafa rashk-e-hur hota hai
aadmi se qusur hota hai
mai-e-ulfat se phir gaya jo dil
surat-e-shisha chuur hota hai
ḳhak-e-ashiq se jo daraḳht uga
tuur hota hai nuur hota hai
jis ko dekha vo is zamane men
apne nazdik duur hota hai
ḳhaksari vo hai ki zarron par
roz baran-e-nur hota hai
kis ki leta nahin ḳhabar ravaq
aludgi na-subur hota hai
ai havas nan-e-dagh bas na laga
garm tufan tanur hota hai
kashti-e-mai nahin to ai saaqi
bahr-e-gham se ubuur hota hai
baagh men jaao jaate ho jo ‘nasim’
sub.h ko vo zarur hota hai
Leave a Reply