Kya Wasl Ki Ummid Mere Dil Ko Kabhi Ho

kyā vasl kī ummīd mire dil ko kabhī ho

us shoḳh kī tasvīr bhī jab mujh se khiñchī ho

mujh ko na bulāte haiñ na aate haiñ mire ghar

afsos hai un se na yahī ho na vahī ho

ai pīr-e-muġhāñ mujh ko tire sar kī qasam hai

tauba to kahāñ tauba kī niyyat bhī jo kī ho

vo mujh se ye kahte haiñ ki mahshar ko milūñgā

maiñ un se ye kahtā huuñ ki jo kuchh ho abhī ho

ai ‘nūh’ hameñ ishq meñ parvā nahīñ is kī

āzār ho yā lutf ho ġham ho ki ḳhushī ho

Leave a Comment