Sufi

Sar Ko Chaha Bhi Uthana To Uthaya Na Gaya

sar ko chaha bhi uthana to uthaya na gaya

kar ke sajda tira phir hosh men aaya na gaya

jalva-e-tur ka ho dekhne vaala be-khud

ye bhi ik raaz tha ab tak jo bataya na gaya

tu ne kis naaz se dekha tha azal men in ko

aaj tak hosh men divanon se aaya na gaya

ta-dam-e-zist na aaya mire naame ka javab

nama-bar mujh ko barabar hai gaya ya na gaya

vo mitaenge bhala kya miri hasti ‘afqar’

dahr men naqsh-e-vafa jin se mitaya na gaya

More Poems

Leave a Comment