Kya Ranj Ki Yusuf Ka KHaridar Nahin Hai

kyā rañj ki yūsuf kā ḳharīdār nahīñ hai

ye shahr koī misr kā bāzār nahīñ hai

kyuuñ merī giraftārī pe hañgāma hai har sū

vo kaun hai jo terā giraftār nahīñ hai

kis kis pe ināyat na huī terī nazar kī

bas ek mirī samt guhar-bār nahīñ hai

kyuuñ jur.at-e-iz.hār pe hairān ho merī

abrū haiñ tumhāre koī talvār nahīñ hai

saaya hai mire sar pe ‘qamar’ dhuup shajar kā

baiThā huuñ jahāñ sāya-e-dīvār nahīñ hai

Leave a Comment