kya qayamat ka hai bazar tire kuche men
bikne aate hain ḳharidar tire kuche men
tu vo iisa hai ki ai nabz-shanas-e-kaunain
ibn-e-mariyam bhi hai bimar tire kuche men
izn-e-didar to hai aam magar kya kahiye
chashm-e-bina bhi hai be-kar tire kuche men
jis ne dekha ho nazar bhar ke tira husn-e-tamam
koi aisa bhi hai ai yaar tire kuche men
‘arzu’ sa kabhi dekha hai koi kafir-e-ishq
yuun to hain saikḌon din-dar tire kuche men
Leave a Reply