kise ḳhabar ibtida ki anjam kaun jaane
guman batil ḳhayal sab ḳhaam kaun jaane
tamam lafzon ka ek mafhum kaun samjhe
tamam chizon ka ek hi naam kaun jaane
pujariyon ke liye azal se taḌap rahe hain
samay ke pahlu men kitne asnam kaun jaane
nikal ke din ki tamazaton se vafa ka suraj
hua hai ḳhuun kis tarah sar-e-sham kaun jaane
udaas jazbon ke daldali raston pe ‘a.ali’
sambhal gaya chal ke gam-do-gam kaun jaane
Leave a Reply