le ke is ghaaT se us ghaaT ga.i mera vajud
fikr dimak ki tarah chaaT ga.i mera vajud
meri barbadi men ik shaḳh bhi shamil thi miri
ḳhud kulhaḌi to nahin kaaT ga.i mera vajud
apne me.aar ka bhi daam na mil paaya mujhe
zindagi le ke ka.i haaT ga.i mera vajud
main sikandar tha magar aḳhiri manzil ki taraf
le ke ik TuuTi hui khaaT ga.i mera vajud
‘faiz’ jis miTTi ne tartib diya tha mujh ko
ek din miTTi vahi paaT ga.i mera vajud
Leave a Reply