Athar Shakeel
hasil kabhi jo us ki mohabbat na ho hamen
pal-bhar ki bhi hayat men rahat na ho hamen
shikve jo tum se hain vo tavaqqo.a ke saath hain
ummid gar na ho to shikayat na ho hamen
jazbatiyat men tark-e-ta.alluq to kar chuke
kal apne faisle pe nadamat na ho hamen
ye aur baat hai ki labon se nahin ayaan
ye to nahin ki tum se mohabbat na ho hamen
ne.amat ki tarah dil pe lage hain tumhare zaḳhm
kafir kaho jo Tiis men rahat na ho hamen
kahte nahin zaban se ‘at.har-shakil’ ham
ye to nahin ki gham se aziyyat na ho hamen
Leave a Reply