Kya Mein Kya Etibar Mera

kyā meñ kyā e’tibār merā

ḳhvārī bas iftiḳhār merā

nāseh bole hai yuuñ ki goyā

dil par hai kuchh iḳhtiyār merā

ai shāh-savār añd-kai johd

zaḳhmī hai nipaT shikār merā

Tuk bachiyo sabā ki har qadam par

us kūche meñ hai ġhubār merā

vo kashti-e-mai de ab ke saaqī

jis meñ khevā ho paar merā

sad-bahr dar-āstīñ hai jo abr

vo jeb hai yā kanār merā

‘qā.em’ huuñ agarche hech lekin

kyā kyā kuchh hai e’tibār merā

Leave a Comment