Fatima Hasan
kya kahun us se ki jo baat samajhta hi nahin
vo to milne ko mulaqat samajhta hi nahin
ham ne dekha hai faqat khvab khuli ankhon se
khvab thi vasl ki vo raat samajhta hi nahin
main ne pahunchaya use jiit ke har khane men
meri baazi thi miri maat samajhta hi nahin
raat purvai ne us ko bhi jagaya hoga
raat kyuun kat na saki raat samajhta hi nahin
shaeri ka koi andaz samajhta hai inhen
vo mohabbat ki rivayat samajhta hi nahin
Leave a Reply